கூகிள் தரிசனம் கோடி புண்ணியம்

கோபுர தரிசனம் கோடி புண்ணியம் என்பார்கள்...

தற்காலத் தொழில்நுட்ப இணைய உலகில் கூகிள் தரிசனமும் கோடி புண்ணியம் என்பேன். 

காரணம் அந்தளவிற்கு பயன்மிக்க சேவைகளை கூகிள் வழங்கி வருவதுதான். கூகிள் தளத்தைப் பயன்படுத்தும் ஒவ்வொரு பயனருக்கும் தேவையான தகவல்களை, சேவைகளை இலவசமாக கொடுக்கிறது கூகிள்...

கூகிளைப் பற்றிச் சொல்ல வேண்டுமெனில் அது தரும் இலவச சேவைகளைப் பற்றியும் சொல்லியே ஆகவேண்டும். பொதுவாக நாம் பயன்படுத்தும் ஜிமெயில், கூகிள் ப்ளஸ், பிளாக்கர் தளங்களைச் சொல்லலாம். 

தமிழில் வலைப்பதிவர்களின் எண்ணிக்கை அதிகரிக்க காரணமே இந்த கூகிள் பிளாக்கர் தளம் தான். இலவசம் மற்றும் யூசர் ப்ரண்ட்லியாக இருப்பதே இதனுடைய வெற்றிக்கு அடிப்படைக் காரணம். 

இப்படிப்பட்ட கூகிள் சேவைகளைப் பற்றிய தகவல்களைத் தெரிந்துகொள்ள இப்பொழுது ஒரு புதிய அம்சங்கள் கொண்ட ஆண்ட்ராய்ட் அப்ளிகேஷன்  கொண்டுவந்துள்ளது கூகிள்.

கூகிள் நவ் என்ற இந்த புதிய ஆண்ட்ராய்ட் அப்ளிகேஷன் மொபைல் பயனர்களுக்கு மிகவும் பயனுள்ளதாக இருக்கும்.

இந்த அப்ளிகேஷன் மூலம் பல்வேறு பயனுள்ள விடயங்களை அறிந்துகொள்ள முடியும். 

உதாரணமாக சொல்வதெனில் அருகில் உள்ள ரெஸ்டாரெண்ட், பிளைட் டிக்கெட் ரிசர்வேஷன், அருகிலுள்ள நண்பர்களின் வீடுகளை கண்டறிய இப்படி நிறைய பயனுள்ள வசதிகளை, தகவல்களை கண்டுபிடிக்கலாம். 

கூகிள் நவப் அப்ளிகேஷனின் முக்கியமான பயன்கள்:

1. நீங்கள் கூகிள் தேடலில் ஏதாவது சினிமாவைப் பற்றியோ அல்லது நடிகை-நடிகர்கள் பற்றியோ அல்லது  மியூசிக் ஷோ, டிவி ஷோ போன்றவைகளைத் தேடும்போது அதைப் பற்றிய தகவல்கள் உங்களுக்கு கிடைக்கும். 

கிடைக்கும் அந்த தகவல்கள் பற்றி புதியதாக ஏதேனும் அப்டேட் செய்தால், அப்டேட் செய்யப்பட்ட புதிய தகவல்களை உங்களுக்கு நினைவுப்படுத்தும் வசதியை இந்த அப்ளிகேஷன் மூலம் பெற முடியும். 

அதற்கு நீங்கள்  அந்த வசதியில் enable கொடுத்துவிட்டால் போதும். 

படத்தைப் பார்த்தால் தெளிவாக புரியும். 

கூகிள் நவ் அப்ளிகேஷனில் உள்ள commute Sharing வசதி மூலம் நீங்கள் இருக்கும் லொக்கேசனை உங்கள் நண்பர்கள் அல்லது வீட்டிற்குத் தெரியப்படுத்தலாம். 

இக்கட்டான சூழலில் நீங்கள் மாட்டிக்கொண்டிருக்கும்பொழுது (உ.ம் டிராபிக்ஜாம், கலவரப் பகுதிகள்) உடனடியாக நீங்கள் இருக்கும் லொகேசனை உங்கள் நண்பர்களுக்குத் தெரியப்படுத்த பயன்படுகிறது இந்த வசதி.  

விமானம் அல்லது தொடர்வண்டி பயணசீட்டுகளை முன்பதிவு செய்ய ஜிமெயிலைப் பயன்படுத்தி இருந்தால் அதை பற்றிய உறுதிசெய்யும் மின்னஞ்சல்கள் உங்களுக்கு வரும். 

அதுபோன்ற மின்னஞ்சல்களை கூகிள் நவ் மூலம் ஜிமெயில் கார்ட்டை அணுகினால் அவற்றை முக்கியமான மின்னஞ்சல்களாக பதிந்துகொள்ளும்.

வாய்ஸ் ஸ்பீச் வசதி: 

கூகில் நவ் அப்ளிகேஷனின் மெனுவில் செட்டிங்ஸ=>வாய்ஸ் என்பதைத் தேர்ந்தெடுப்பதன் மூலம் Voice Speech வசதியை உயிர்பித்துக்கொள்ளலாம். 

கூகிள் நவ் அப்ளிகேஷன் மூலம் ஏற்கனவே நீங்கள் கூகிள் ப்ளசில் பகிர்ந்த தேடிப் பெற முடியும்.

உங்களிடம் ஸ்மார்ட் டிவி இருந்ததெனில் அந்த ஸ்மார்ட் டிவி கனெக்ட் செய்யபட்ட வை-பை (Wi-Fi) கனெக்சனுடன் கூகிள் நவ் இன்ஸ்டால் செய்யப்பட்ட ஆண்ட்ராய்ட் சாதனத்தையும் இணைக்க முடியும். 

அவ்வாறு இணைப்பதால் ஸ்மார்ட் டிவியில் ஓடும் நிகழ்ச்சிப் பற்றிய தகவல்களை உங்களுடைய ஆண்ட்ராய்ட் சாதனத்திலும் பெற முடியும். இதற்கு உங்களுடைய ஆண்ட்ராய்ட் சாதனத்தை வை-பையில் இணைத்து லிசன் டூ டிவி (Listen to TV)  என கூற வேண்டும். 

கூகிள் நவ் அப்ளிகேஷனை உங்களுடைய கணினியில் உள்ள கூகிள் குரோம் பிரௌசர் மூலம் இணைத்து  பயன்படுத்த முடியும். 

இந்த அப்ளிகேஷனை தரவிறக்கம் செய்துகொள்ள : Google.com ல் Download Google Now Apk for Android Smartphone என தேடி.. நம்பகமான தளத்திலிருந்து அப்ளகேஷனை டவுன்லோட் செய்துகொள்ளுங்கள். 

Google Now apk is a powerful and intuitive assistant app developed for Google’s Android OS. 

Tags: google now apk, google now apps for free, google now apps specification, feature of google now apps,